viernes, 19 de diciembre de 2008

BOAS FESTAS E FELIZ ANINOVO!!



pedistesme facer unha árbore de Nadal para a aula, e así quedou, pintamos botellas de auga recortadas e decorámolas con neve e con gomets. UNHA APERTA MOI GRANDE PARA ESTES TOLIÑOS QUE TEÑO POR ALUMNOS E ALUMNAS! PASADE UNHAS BOAS VACACIÓNS! DEICA A VOLTA!!!
Así nos quedou o Belén este ano, é o froito do traballo de todo o centro xunto, cadaquén aportou o seu gran de area. En ocasións nos centros grandes e con tantos niveis, é complicado poñerse dacordo para facer algo en común motivador e útil para todos, pero este é un exemplo de que É posible traballar en conxunto.

Todo o Belén está feito con materiais de refugallo, o noso centro participa no Proxecto Voz Natura e de aí xurdeu a idea, é unha bonita maneira de non fomentar o consumismo senón a reutilización de materiais, aprendendo dende pequeniños a coidar un pouquiño do planeta.

En infantil fixemos os reis magos, os paxes e os camelos, tamén acudimos ás inmediacións do colexio para recoller folliñas e ramas secas para a decoración, agradecer a colaboración do alumnado da ESO que nos acompañou na nosa saída e nos guiou á hora de colocar pedriñas, area, etc...
Dende aquí douvos as grazas a todos os que participastes nesta actividade, a mestres, familias e por suposto a nenos e nenas, espero que para o vindeiro ano vos animedes a repetir e mo contedes todiño.

miércoles, 17 de diciembre de 2008

bonecos papá noel

Estas botiñas de papanoeis fixémolas para que teñamos moitos regaliños na aula ao voltar de vacacións... a ver que nos atopamos á volta... jeje

viernes, 12 de diciembre de 2008

O DÍA DOS DEREITOS HUMANOS

Hoxe os alumnos de educación para a cidadanía faláronnos a todo educación infantil sobre os dereitos que temos, contáronnos como temos dereito a ir á ESCOLA, a acudir ao MÉDICO, como temos dereito a SER RESPETADOS polo que somos.... estivemos moi atentos e agradecemos, cun aplauso que nos viñeran a falar dos nosos dereitos. moitas grazas mozos!

miércoles, 10 de diciembre de 2008

Estas son as postais de Nadal que fixemos os nenos e nenas da clase de 3-4 anos,en colaboración cos nosos pais/nais/irmáns/avós... para o concurso de postais proposto polo Equipo de Normalización Ling:uística.A que quedaron bonitas?

viernes, 5 de diciembre de 2008

Pegamos un salto e chegamos máis alto!

Aquí están as nosas medidas sacadas en papel, cando pase un tempo habemos de medirnos de novo para ver canto medramos. Tamén sae na foto, o noso calendario de Adviento, del o encargado saca cada día de decembro o seu chocolatiño na doce espera do Nadal. Pasade uns bos días na casa, que desta volta son catro. Un bico para todos e todas, a ver que sorpresas nos esperan á volta.

jueves, 4 de diciembre de 2008

Preparando o Belén do cole...


Xa hai uns días que nos puxemos mans á obra co Belén, en infantil facemos os camelos, os reis e os paxes, aquí estamos traballando a tope con un camelo, empregamos dous rolos de papel hixiénico e papel de seda, xa vos ensinaremos o resultado final...

lunes, 1 de diciembre de 2008

Despedimos ao outono

Co noso mural do outono rematado e con esas setas tan bonitas que non sei porqué Mada estivo empeñada en chamarlles champiñóns, despedimos ao outono por este ano, e despedimolo rápido porque temos que poñernos xa a tope co Nadal!! ai! cantas cousas por facer!!! Aprender a panxoliña, que a profe aínda non a sabe nada de nada, acabar de traballar co corpo humano que tantos quebradeiros lle da a Marcos cando está con febre... facer o libro das fichas... o belén... a decoración... as notas!! e todo en dúas semanas e catro días....!! esta profe xa se está estresando :)!!